Preghiera della sera

Mò m’ corch’ a m’ fazz’ la croce,
chiame Ddìje a hàuta vòce;
chiame Ddìj a tutt’ i sànt’,
gloria al Patre, a lu Figlie e a lu Spìrit’ Sant’.
Mò m’ corch’ a stàv’ curquàt’,
tèngh’ la Maronna ri lu Quàrmine p’avvucuàt’;
si jè iuòrn’ hédda m’ véglia,
s’aggia passà quacch’ mal punt’
hédda m’ svéglia.
Ngàp ‘a gliètte mìje ngè lu Signor’ Ddìje,
ng’è mbère l’Angel’ Rafaèle;
miézz’ ngas’ l’Angel’ spàs’;
mmocc ‘a la porta l’Angel’ forte;
miézz’a la via la Vergine Maria.
Miézz’a la strada la Santa Nunziata
Santa Margarita sì Vergine e sì zìta,
lu iuòrn’ m’ uàrd’ a la notte m’ havìta.


Torna indietro alle Preghiere

Verbe re Ddìje

Verb’ r’ Ddìje, nostr’ Signor’,
tién’ sta crocia toja tant’ régn’ a tant’ bella,
tién’ na mana ngiel’ a n’auta nderra.
Sta crocia toja la vogli’ unorà
Trentatrè ann’ ntierz’ n’aternità
la valle ri Gisafàtt’ ama passà
nu fil’ r’erva ngann’ ma tr’marrà.
Mò scénn’ Sagnuann’ ra gli ciel’
cu nu libbre r’or’ apièrt’ mmàn’,
vaj ricènn’: Piccatur’ e piccatrice,
chi sàpe lu Verb’ ri Ddìje ca lu rìce;
chi nun lu sàp’ si lu pòzza mbarà
c’a lu punte ri mòrte adda èss’ addummannat’.
Chi lu rìce tre bbòte la rìa
vaj ngiel’ cu Maria;
chi lu rìce tre bbòte la nòtte
nun face na mala a brutta mòrt’;
chi lu rìce tre bbòte nda la chiesa cunsacràt’
sett’anne ri prihatorije só libb’ràt’,
chi lu sap’ a nu lu mpara
frusta r’ granar’.


Torna indietro alle Preghiere

Preghiera senza titolo

Ndingh’ ndingh’ lu cuampaniedd’
la Maronna cu duj’ paniedd’
Santa Rosa a lu giardin’
scìja a cogli’ ru putrusin’
Gies’ Crist’ r’ chiantaia
quanta hust’ s’ pigliaia
S’ pigliaia lu cor’ mij’
Patr’ Nostro e Ave Marij’
Patr’ Nostr’ r’ lu qual’
a bbìjat’ a chi s’ lu mpara
S’ lu mpara lu pellegrin’
a bìjat’ a Sant’ Martin’
Sant’ Martin’ scìja ngiel’,
scìja a sunà r’ tre campan’
Vota gli uocchi a l’autar’
ngera n’angel’ ca candaja
Ngera l’angel’ Serafin’
sciam’nnénn’ a la luttrina
La luttrina jè na bella cosa
chi ngi vaj ngi riposa
a l’umbiern’ r’ mala ggend’
chi ngi vaj mai s’abbend’.


Torna indietro alle Preghiere

Preghiera ai defunti

Muort’ mej’ beat’
Nda stu munn’ sit’ stat’
Mprìhatorij v’ truuat’
Mparavis’ n’asp’ttat’
Quann’ ai sant’ ciel’ v’acchianat’
Prìhat’ a l’etern’ Patr’
P’ la nostra necessitat’
A nui pì vvuj prìham’ Ddij’
Cu Patr’ Nostr’ e Ave Marij’
An’m’ sant’, an’m’ purgant’,
Ij só sola a vuij sit’ tant’
Andate al creatore
Chiedete la grazia a mio favore
Prima ca f’rnisce questa giornata
Voglio hèss’ cunzulata


Torna indietro alle Preghiere